Објавено на: 29.03.2008

Автор: Марко Коловски

Периодика: Македонско радио - Радио Скопје

Учесници:
Денови на македонската музика, Горан Начевски, Александра Лазаревска, Славица Петровска Галиќ, Весна Гиновска, Саша Николовски Ѓумар, Саксофонквадрат, Месијан, Кагел, Мингус, Јана Андреевска, Панде Шахов, Вања Николовски Ѓумар, Борјан Цанев, Џајковски, Артворк, Црвениот Коњ, Љупчо Константинов

Забелешка:
Она што на почетокот го најавуваше организаторот, Сојузот на композиторите на Македонија, имено дека годинашниве Денови, освен што ќе ја почитуваат традицијата и нејзините позитивни страни, ќе биде и извесен исчекор во насоки кои до сега не беа доминантни, ниту доволно перципирани, ако се суди по почетокот, сигурно ќе се оствари. Отворањето беше поинакво од досегашните: беше пресек, или подобро избор од најмаркантните вокално инструментални композиции и нивни фрагменти. Не беше само нивно презентирање, туку беше направен обид, сега веќе може да се констатира – успешен, тие да бидат подредени во една програмска целина што ќе го одрази и односот н а македонските композитори кон својата традиција и својата земја, кон сопственото фолклорно наследство, и во извесна смисла да кореспондираат со темите кои во моментов ја преокупираат македонската јавност. Освен ова, како што рековме, – тоа беше сепак убава, слушл ива музика што не ги остави рамнодушни многубројните присутни што солидно го пополнија салонот на МОБ. Добриот впечаток го поткрепија солистите, хорот и оркестарот на МОБ, иако, мора да се каже и тоа дека со еден малку поодговорен однос, особено во делот на определувањето соодветен број на проби за подготовка, ефектот ќе беше сигурно уште поголем. Настапија голем број солисти, но од нив треба да се издвојат басот Владимир Саздовски пред кого стои убава перспектива, одличниот тенор Горан Начевски, Младата Александра Лазаревска и веќе афирмираните Славица Петровска Галиќ и Весна Гиновска. Убавата вечер сигурно немаше да биде таква доколку не беше ангажманот и харизмата на Саша Николовски Ѓумар кој и во вака стеснети услови обезбеди концерт што сигурно ќе биде репер за идните отворања на Деновите на македонската музика. Концертот што следеше, оној завчера во Даут-пашиниот амам им припадна на одличните инструменталисти од германскиот квартет саксафони САКСАОФОНКВАДРАТ. Во премалата сала во амамот за да ги прими сите заинтересирани, бевме сведоци како современата музика, па и онаа авангардната од втората половина на дваесеттиот век, може да биде и интересна и да предизвика искрено воодушевување доколку се исполни со соодветно мајсторство и духовитост. Членовите, значи, на Саксофон квадрат ги воодушевија присутните и она што се случуваше, а што не може да се прераскаже со зборови сигурно ќе биде предмет на разговор и наредните денови, барем до настапот, да се надеваме на некој од другите странски камерни ансамбли. За одбележување е податокот дека на овој концерт, покрај другите дела, како и оние на Месијан, Кагел, Мингус, беа и зведени и композиции од Јана Андреевска, Панде Шахов и Вања Николовски Ѓумар. Синоќа беше концертот кој беше најавуван како една од новините на годинашниве Денови: концертот посветен на македонската филмска музика, почнувајќи од Прокопиев завршувајќи со Џајковски. Тоа беше концерт на Македонската филхармонија под диригентство на маестро Борјан Цанев. Во добро пополнетата сала на Домот на армијата на Македонија филхармоничарите солидно си ја завршија својата работа. Делата, поточно филмските фрагменти звучеа сосема сигурно и воедначено, иако рака насрце, во повеќето од нив и нема некои посебни изведувачки јазли. Она другото, значи квалитетот на самата музика е посебна приказна. За некои таа е и прилично еднолична и недоволно занатски изработена. За обичните слушатели, пак таа, е слушлива, убава можност да се опуштат и уживаат и доказ дека и македонските автори кога не се оптоварени со императивот што им го наметнала и нивната професија и тие самите, знаат и можат да пишуваат музика што се посакува. Како и да е потегот е успешен, без оглед на можните различни гледања токму заради фактот што овозможи увид во нешто во што до сега немавме можност. Пред да најавиме фрагмент од синоќешниот концерт, да кажеме дека фестивалот на македонската музика продолжува вечерва со настапот на германскиот АРТВОРК ансамбл, кој во салата на Домот на АРМ ќе изведе дела за две пијана и удиралки.

Клучни зборови:

Јана Андреевска Месијан Славица Петровска-Галиќ 2008 Панде Шахов „Саксофонквадрат“ Марко Коловски Љупчо Константинов Мингус Македонско радио - Радио Скопје Саша Николовски-Ѓумар Црвениот коњ Борјан Цанев Џајковски Весна Гиновска Артворк Вања Николовски Ѓумар Кагел Горан Начевски Денови на македонска музика Александра Лазаревска