Објавено на: 14.12.1960

Автор: Драгослав Ортаков

Периодика: Македонско радио - Радио Скопје

Програма:
Чакона од Бах/Бузони, Арабеска од Шуман, дела од Рамо, Дванаесетта рапсодија од Лист.

Учесници:
Халина Черни-Стефањска - пијано, Полска

Забелешка:
Полската пијанистка Халина Черни-Стефањска и е позната на нашата публика по својот настап co Скопската филхармонија. Овој пат уметницата приреди солистички концерт што ги потврди нејзините квалитети на естрадна пијанистка, од кои секако во прв ред доаѓа високото реноме на Черни-Стефањска како интерпретатор на Шопенови дела. Програмата што ја исполни на својот рецитал полската уметница можеби, co исклучок на Бах-Бузониевата Чакона, не вклучуваше во себе дела што по својата длабока содржајност и филозофска позадина би ја открила индивидуалната адекватна сила на интерпретаторот. Но затоа пак, во занаетска смисла, програмата на Халина Черни-Стефањска многукратно ја откри не само нејзината брилијантна техничка подготвеност, туку и нејзиното вонредно фино чувствување на стилските карактеристики на делата што сосема одредсно се забележуваше во постојаната трансформација во начинот на интерпретацијата од еден автор кон друг. Без сомневање пијанистката Черни-Стефањска беше најавтентична во реализирањето на низата Шопенови композиции што заземаа обемен простор во вториот дел од програмата. Но не помалку таа не воодушеви и co реализацијата на шармантните композиции од Жан Филип Рамо. Во Баховата Чакона пијанистката постигна навистина оргуљски звук, додека Шумановата Арабеска и неговите фантастични пиеси беа предадени co изнијансирано водење на линиите од специфичната клавирска полифонија карактеристична за овој мајстор. На крајот од својот, концерт, Халина Черни-Стефањска брилјантно ја исполни Дванаесеттата рапсодија од Франц Лист.

Клучни зборови:

Драгослав Ортаков Бах Лист Бузони Рамо Халина Черни-Стефањска Арабеска 1960 Дванаесетта рапсодија Радио Скопје Чакона Шуман